അഹമ്മദാബാദ്: ഗുജറാത്തില്‍ ഉദ്ഘാടനം നടക്കാനിരിക്കെ പാലം തകര്‍ന്നു വീണു. മിന്‍ദോല നദിക്ക് കുറുകെ നിര്‍മ്മിച്ച പാലമാണ് തകര്‍ന്നു വീണത്. താപി ജില്ലയിലെ മായ്പുര്‍ ദേഗാമ ഗ്രാമങ്ങളെ ബന്ധിപ്പിച്ചാണ് പാലം നിര്‍മ്മിച്ചത്. ബുധനാഴ്ച രാവിലെ ആറരയോടെയായിരുന്നു സംഭവം.
പാലം തകര്‍ന്നു വീണത് 15ഓളം ഗ്രാമങ്ങളെ ബാധിക്കുമെന്നാണ് സൂചന. 2021ലാണ് പാലത്തിന്റെ നിര്‍മ്മാണം തുടങ്ങിയതെന്ന് എക്സിക്യൂട്ടീവ് എന്‍ജിനീയര്‍ നീരവ് റാത്തോഡ് പറഞ്ഞു. രണ്ട് കോടി രൂപയാണ് പാലം നിര്‍മ്മാണത്തിനായി വേണ്ടി വന്നത്. പാലം തകര്‍ന്നതിനെ സംബന്ധിച്ച് വിദഗ്ധ സംഘം പഠനം നടത്തുമെന്നും അദ്ദേഹം പറഞ്ഞു.