മണിപ്പൂരില്‍ സംഘര്‍ഷം തുടരുമ്പോഴും മണിപ്പൂരിനെ പാടെ അവഗണിക്കുന്ന പ്രധാനമന്ത്രി നരേന്ദ്രമോദിക്കെതിരെ രൂക്ഷ വിമര്‍ശനവുമായി നടന്‍ പ്രകാശ് രാജ്. വന്ദേ ഭാരത് ട്രെയിന്‍ ഫ്‌ലാഗ്ഓഫിനായി പ്രധാനമന്ത്രി നരേന്ദ്രമോദി മധ്യപ്രദേശിലേക്ക് പോകുന്നതിനെതിരെയാണ് അദ്ദേഹം രൂക്ഷമായി വിമര്‍ശനം ഉന്നയിച്ചത്. വന്ദേ ഭാരത് ട്രെയിന്‍ ഫ്‌ലാഗ് ഓഫ് സ്റ്റേഷന്‍ മാസ്റ്റര്‍ക്ക് ചെയ്യാന്‍ കഴിയുന്നതാണെന്നും പ്രധാനമന്ത്രി പോകേണ്ടത് മണിപ്പൂരിലേക്ക് ആണെന്നും അദ്ദേഹം ട്വിറ്ററില്‍ കുറിച്ചു.
വന്ദേ ഭാരത് ട്രെയിന്‍ ഫ്‌ലാഗ്ഓഫിനും മധ്യപ്രദേശില്‍ എത്തുന്ന മോദിയുടെ ട്വിറ്റിനോടുമായിരുന്നു പ്രകാശ് രാജിന്റെ പ്രതികരണം.
എന്നാല്‍ തന്റെ ട്വീറ്റ് ഡിലീറ്റ് ചെയ്തതായി ആരോപിച്ച് താരം രംഗത്തെത്തി. താനൊരു പൗരന്‍ ആണെന്നും ചോദ്യങ്ങള്‍ ചോദിച്ചു കൊണ്ടിരിക്കുമെന്നും അദ്ദേഹം മറ്റൊരു ട്വീറ്റില്‍ കുറിച്ചു.എന്നാല്‍ ട്വീറ്റ് ഡിലീറ്റ് ചെയ്തിട്ടില്ലെന്ന് പിന്നീട് വിശദീകരണം വന്നു. പ്രകാശ് രാജ് പങ്കുവെച്ച മോദിയുടെ ആദ്യ ട്വീറ്റ് പിന്‍വലിച്ചിരുന്നു. പിന്നീട് കര്‍ണാടകയുടെ പേര് കൂടി ചേര്‍ത്ത് പുതിയ ട്വീറ്റ് പോസ്റ്റ് ചെയ്യുകയായിരുന്നു.