തെരഞ്ഞെടുപ്പ് ചട്ടം ലംഘിച്ചതിന് പ്രധാനമന്ത്രി നരേന്ദ്രമോദിക്കും കേന്ദ്ര ആഭ്യന്തര മന്ത്രി അമിത് ഷാക്കുമെതിരെ പരാതി നല്‍കുമെന്ന് കോണ്‍ഗ്രസ്. ഒന്നാംഘട്ട വോട്ടെടുപ്പ് നടക്കുന്നതിനിടെ അമിത് ഷാ ഗുജറാത്ത് എംപിക്കൊപ്പം പ്രചാരണം നടത്തിയെന്നും ബിജെപി സിന്ദാബാദ് എന്ന് മുദ്രാവാക്യം വിളിച്ചുവെന്നും പവന്‍ രേഖാ ആരോപിക്കുന്നു.
ഒന്നാം ഘട്ട വോട്ടെടുപ്പിന് ശേഷം പ്രധാനമന്ത്രി നരേന്ദ്രമോദി നടത്തിയ വാക്ക് ഷോ നിരവധി ചാനലുകളില്‍ ലൈവ് റിപ്പോര്‍ട്ട് ചെയ്തിരുന്നു. വോട്ട് രേഖപ്പെടുത്തിയതിന് ശേഷവും മോദി ജനങ്ങളെ അഭിവാദ്യം ചെയ്തു പവന്‍ രേഖ പറഞ്ഞു.
ഗുജറാത്തില്‍ ഇന്നാണ് രണ്ടാംഘട്ട വോട്ടെടുപ്പ് നടന്നത്. അഹമ്മദാബാദിലെ വ്യത്യസ്ത പോളിംഗ് ബൂത്തുകളിലാണ് അമിത് ഷായും മോദിയും വോട്ട് രേഖപ്പെടുത്തിയത്. ഡിസംബര്‍ എട്ടിനാണ് വോട്ടെണ്ണല്‍.