തിരുവനന്തപുരം: കണ്ണൂര്‍ സര്‍വകലാശാല വൈസ് ചാന്‍സലര്‍ നിയമനത്തില്‍ മുഖ്യമന്ത്രിക്കെതിരായ കേസ് പരിഗണിക്കുന്നത് നവംബര്‍ 26 ലേക്ക് മാറ്റി. അഴിമതി നിരോധന നിയമ പ്രകാരം കേസ് രജിസ്റ്റര്‍ ചെയ്യണമെന്നാവശ്യപ്പെട്ടാണ് ഹരജി സമര്‍പ്പിച്ചിരുന്നത്. തിരുവനന്തപുരം വിജിലന്‍സ് പ്രത്യക കോടതിയാണ് ഹരജി പരിഗണിക്കുന്നത്.
മുഖ്യമന്ത്രിയുടെ ശിപാര്‍ശ പ്രകാരമാണ് ഗോപിനാഥ് രവീന്ദ്രനെ കണ്ണൂര്‍ വൈസ് ചാന്‍സലറായി നിയമിച്ചത് എന്നാണ് ആരോപണം. ഇത് സത്യപ്രതിഞ്ജ ലംഘനമാണെന്ന് പരാതിക്കാരന്‍ സമര്‍പ്പിച്ച ഹരജിയില്‍ പറയുന്നു. ഹൈക്കോടതി തള്ളിയ പരാതിക്ക് എന്ത് പ്രസക്തി എന്നാണ് സര്‍ക്കാര്‍ ഭാഷ്യം.