‘ദി കേരള സ്റ്റോറി’ സിനിമയുമായി ബന്ധപ്പെട്ട വിവാദങ്ങളോട് ‘എടപ്പാള്‍ ഓട്ടം’ പങ്കുവെച്ച് പ്രതികരിച്ച് വിദ്യാഭ്യാസ മന്ത്രി വി.ശിവന്‍കുട്ടി. സോഷ്യല്‍മീഡിയയില്‍ സംഘപരിവാര്‍ പ്രവര്‍ത്തകരെ ട്രോളാന്‍ ഉപയോഗിക്കാറുള്ള എടപ്പാള്‍ ഓട്ടം പങ്കുവെച്ചാണ് മന്ത്രി ദി കേരള സ്റ്റോറി സിനിമയെ പരിഹസിച്ചത്. ‘ദി ഒറിജിനല്‍ കേരള സ്റ്റോറി’ എന്ന ടൈറ്റിലും എടപ്പാള്‍ ഓട്ടത്തിന്‍റെ ചിത്രവും അടങ്ങുന്ന പോസ്റ്റര്‍ പങ്കുവെച്ചാണ് മന്ത്രി വിഷയത്തില്‍ പ്രതികരിച്ചത്. ശബരിമല യുവതീപ്രവേശനവുമായി ബന്ധപ്പെട്ട പ്രതിഷേധങ്ങൾക്കിടെ 2019 ല്‍ ശബരിമല കര്‍മസമിതി നടത്തിയ ഹര്‍ത്താലിനിടെയാണ് എടപ്പാൾ ഓട്ടം പ്രസിദ്ധമായത്. എടപ്പാള്‍ ജംഗ്ഷനില്‍ ബൈക്കുകളുമായി റാലി നടത്താനെത്തിയവരെ നാട്ടുകാര്‍ തുരത്തിയ ദൃശ്യങ്ങള്‍ വൈറലായിരുന്നു.