കോണ്ഗ്രസ് പ്രസിഡന്റ് മല്ലികാര്ജുന് ഖാര്ഗെയെ കൊലപ്പെടുത്താന് ഗൂഢാലോചന നടന്നതായി കോണ്ഗ്രസ്. അദ്ദേഹത്തിന്റെ കുടുംബത്തെയാകെ കൊലപ്പെടുത്താനായിരുന്നു പദ്ധതിയെന്ന് കോണ്ഗ്രസ് വക്താവ് രണ്ദീപ് സിംഗ് സുര്ജേവാല പറഞ്ഞു. കര്ണാടകയിലെ ചിറ്റപ്പൂര് ബി.ജെ.പി സ്ഥാനാര്ത്ഥി മണികണ്ഠ റാത്തോഡാണ് മല്ലികാര്ജുന ഖാര്ഗെയെയും ഭാര്യയെയും മക്കളെയും കൊലപ്പെടുത്തുമെന്ന് പറഞ്ഞതായി കോണ്ഗ്രസ് പുറത്തിറക്കിയ ഓഡിയോ ക്ലിപ്പില് പറയുന്നത്. കര്ണാടകയില്മെയ് പത്തിന് നടക്കാനിരിക്കുന്ന നിയമസഭാതെരഞ്ഞെടുപ്പില് വിഷയം ചൂടേറിയ വിഷയമായി. ഇതേക്കുറിച്ച് അന്വേഷണം നടത്തുമെന്ന് മുഖ്യമ്ര്രന്തി ബസവരാജ് ബൊമ്മെ അറിയിച്ചു. ഒരു രാഷ്ട്രീയകക്ഷിക്ക് തരംതാഴാവുന്നതിന്റെ അപ്പുറമാണിതെന്ന് സുര്ജേവാല കുറ്റപ്പെടുത്തി.