കൂടത്തായി കൂട്ടക്കൊലകേസ് റോയ് തോമസ് വധക്കേസില്‍ സാക്ഷിവിസ്താരം ഇന്ന്. കഴിഞ്ഞ ദിവസം റോയ് തോമസിന്റെ സഹോദരി ഒന്നാം സാക്ഷി രഞ്ജി വില്‍സണ്‍ കോടതിയില്‍ ഹാജരായെങ്കിലും അഡ്വ. ആളൂരുമായി സംസാരിക്കണമെന്ന പ്രതിയുടെ അപേക്ഷ പരിഗണിച്ചാണ് വിസ്താരം മാറ്റിവച്ചത്.
മെയ് 18 വരെ തുടര്‍ച്ചയായി സാക്ഷികളുടെ വിസ്താരം നടത്താനായിരുന്നു മാറാട് പ്രത്യേക അഡീഷണല്‍ സെക്ഷന്‍സ് ജഡ്ജി എസ്.ആര്‍ ശ്യാംലാല്‍ തീരുമാനിച്ചിരുന്നത്. കേസിലെ രണ്ടാം പ്രതി എം.എസ് മാത്യൂവിനെ വീഡിയോ കോണ്‍ഫറന്‍സ് വഴിയല്ലാതെ നേരിട്ട് ഹാജരാകണമെന്ന അഭിഭാഷകന്‍ അഡ്വ. ഷഹീര്‍ സിങ്ങിന്റെ അപേക്ഷകൂടി പരിഗണിച്ചാണ് കേസ് മാറ്റിയത്. മാത്യുവുമായി സംസാരിക്കാന്‍ ജോളിയും ഹരജി നല്‍കിയിട്ടുണ്ട്.