കോഴിക്കോട്: കോഴിക്കോട്ട് പടക്കം പൊട്ടിച്ചതിന്റെ പേരില്‍ കല്യാണ വീട്ടില്‍ കൂട്ടത്തല്ല്. വരന്റെ ആളുകള്‍ വധുവിന്റെ വീട്ടില്‍ പടക്കം പൊട്ടിച്ചതിനെച്ചൊല്ലിയുണ്ടായ തര്‍ക്കമാണ് കൂട്ടത്തല്ലില്‍ എത്തിച്ചത്. കോഴിക്കോട് മേപ്പയ്യൂരിലാണ് സംഭവം.
ഇരു കൂട്ടരും തമ്മിലുള്ള തര്‍ക്കം ആദ്യം ബന്ധുക്കള്‍ ഇടപെട്ട് പരിഹരിച്ചിരുന്നു. എന്നാല്‍ വീണ്ടും വാക്കേറ്റമുണ്ടായതോടെ കൂട്ടത്തല്ലില്‍ കലാശിക്കുകയായിരുന്നു. വിവാഹവീട്ടിലെ കൂട്ടത്തല്ലിന്റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്. ചെറിയ തര്‍ക്കമാണ് കൂട്ടത്തല്ലിലേക്ക് എത്തിയതെന്ന് പ്രദേശവാസികള്‍ പറയുന്നു.