കോഴിക്കോട്: 500, 1000 രൂപാ നോട്ടുകള്‍ അസാധുവാക്കിയപ്പോള്‍ കേരളത്തില്‍ ജനങ്ങള്‍ക്ക് ബുദ്ധിമുട്ടുണ്ടായത് മലയാളികളുടെ ആഡംബരവും ധൂര്‍ത്തും മൂലമെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍. സുഖലോലുപരമാണ് മലയാളികളെന്നും കുമ്മനം പറഞ്ഞു. കോഴിക്കോട്ട് എന്‍ഡിഎ ജില്ല കണ്‍വെന്‍ഷന്‍ ഉത്ഘാടനം ചെയ്യുകയായിരുന്നു കുമ്മനം.
രാജ്യത്തെ 80 ശതമാനം പേരും ഉപയോഗിക്കുന്നത് 100 രൂപ നോട്ടാണ്. അതിനാല്‍ 500, 1000 രൂപ നോട്ടുകള്‍ പിന്‍വലിച്ചത് രാജ്യത്തെ സാധാരണക്കാരെ ബാധിച്ചില്ല. കേരളത്തിലെ പ്രശ്‌നം സഹാനുഭൂതിയോടെയാണ് പ്രധാനമന്ത്രി നോക്കിക്കാണുന്നത്. സംസ്ഥാനത്തെ ബുദ്ധമുട്ട് അദ്ദേഹം നേരത്തെ പറഞ്ഞിട്ടുണ്ടെന്നും കുമ്മന്‍ സമ്മേളനത്തില്‍ വ്യക്തമാക്കി.