മലയാള സിനിമാ നിര്‍മാതാക്കളുടെ വീടുകളിലും ഓഫീസുകളിലും ഇന്‍കം ടാക്‌സിന്റെ മിന്നല്‍ പരിശോധന. വിവിധ ഇടങ്ങളിലായി ഒരേ സമയത്താണ് പരിശോധന നടത്തിയത്. രാവിലെ തുടങ്ങിയ പരിശോധന രാത്രി എട്ടോടെയാണ് അവസാനിച്ചത്. നടനും നിര്‍മാതാവുമായ പൃഥിരാജ്, നിര്‍മാതാക്കളായ ആന്റണി പെരുമ്പാവൂര്‍, ആന്റോ ജോസഫ്, ലിസ്റ്റിന്‍ സ്റ്റീഫന്‍ എന്നിവരുടെ വീടുകളിലാണ് പരിശോധന നടത്തിയത്.
പരിശോധന സംബന്ധിച്ച വിവരങ്ങള്‍ അധികൃതര്‍ ഇതുവരെ പുറത്ത് വിട്ടിട്ടില്ല. വിവിധ ഡിജിറ്റല്‍ രേഖകളും, പണമിടപാട് രേഖകളും മറ്റും സംഘം ശേഖരിച്ചു.