കേരളത്തിലെ ഒരു ക്ഷേത്രത്തില്‍ വച്ച് പ്രധാന പൂജാരി തനിക്ക് നിലവിളക്ക് തരാതെ ജാതി വിവേചനം കാണിച്ചെന്ന് ദേവസ്വം മന്ത്രി കെ രാധാകൃഷ്ണന്‍ .ഇന്ന് കോട്ടയത്ത് നടന്ന കേരള വേലന്‍സ് സൊസൈറ്റി സംസ്ഥാന സമ്മേളനത്തിലാണ് മന്ത്രി രാധാകൃഷ്ണന്‍ ഇക്കാര്യം തുറന്നു പറഞ്ഞത്. ഒരു ഉദ്ഘാടനവുമായി ബന്ധപ്പെട്ടാണ് ക്ഷേത്രത്തിലെത്തിയത്. അവിടെവെച്ച് നിലവിളക്ക് കൊളുത്തിയ ശേഷം പ്രധാനപൂജാരി തനിക്ക് തരാതെ നിലത്തുവയ്ക്കുകയായിരുന്നു എന്ന് മന്ത്രി പറഞ്ഞു.
ഇതില്‍ താന്‍ അന്നുതന്നെ പ്രതിഷേധിക്കുകയും ചെയ്തു. താന്‍ തരുന്ന പണം സ്വീകരിക്കാം, എന്നാല്‍ തന്നോട് അയിത്തം കാട്ടുകയാണെന്ന് താന്‍ പറഞ്ഞതായി മന്ത്രി വെളിപ്പെടുത്തി. കേരളത്തില്‍ ഇന്നും ജാതി വിവേചനം നിലനില്‍ക്കുന്നു എന്നതിന്റെ സൂചനയായി അദ്ദേഹം കാര്യം എടുത്തുപറഞ്ഞു.