വ്യാജഏറ്റുമുട്ടല്‍ കേസില്‍ ഗുജറാത്ത് മുഖ്യമന്ത്രിയായിരിക്കെ മോദിയെ കുറ്റക്കാരനാക്കാന്‍ സി.ബി.ഐ സമ്മര്‍ദം ചെലുത്തിയെന്ന പരാതിയെക്കുറിച്ച് അമിത്ഷാ ഇപ്പോള്‍ പൊലീസിന് മൊഴി നല്‍കുമോ ? രാജസ്ഥാന്‍ കോണ്‍ഗ്രസ് മുഖ്യമന്ത്രി അശോക് ഗെലോട്ടിന്റേതാണ് ചോദ്യം. രാഹുല്‍ഗാന്ധിയെ സമീപിച്ച് തങ്ങള്‍ പീഡിപ്പിക്കപ്പെട്ടുവെന്ന് പറഞ്ഞ കുട്ടിയുടെ വിവരങ്ങള്‍ രാഹുലിനോട് ചോദിക്കുന്ന പൊലീസിന് ഇതും ആയിക്കൂടേയെന്നാണ് ഗേലോട്ടിന്റെ ചോദ്യം. 45 ദിവസം കഴിഞ്ഞാണ് രാഹുലിന്റെ വീട്ടില്‍ ഡല്‍ഹി പൊലീസ് മൊഴിയെടുക്കാനായി എത്തിയത്. ഇങ്ങനെയെങ്കില്‍ ഷാക്കും വിവരം കൈമാറുന്നതില്‍ തെറ്റില്ലെന്ന് മുഖ്യമന്ത്രി പറഞ്ഞു.