അമിതമായി ആളുകളെ കയറ്റിയതിന് ആലപ്പുഴയില്‍ ബോട്ട് കസ്റ്റഡിയിലെടുത്തു. 30 പേരെ കയറ്റേണ്ട ബോട്ടില്‍ 68 പേരെയാണ് കയറ്റിയത്. ആലപ്പുഴ ബോട്ട് ജെട്ടിയിയില്‍ സര്‍വീസ് നടത്തുന്ന എബനസര്‍ എന്ന ബോട്ടാണ് കസ്റ്റഡിയിലെടുത്തത്.
തുറമുഖ വകുപ്പ് ഉദ്യോഗസ്ഥരുടെ മിന്നല്‍ പരിശോധനയിലാണ് നടപടി. ബോട്ട് അടുപ്പിക്കാന്‍ ആവശ്യപ്പെട്ടപ്പോള്‍ ജീവനക്കാര്‍ എതിര്‍ത്തു. തുടര്‍ന്ന് ടൂറിസം പൊലീസിനെ വിളിച്ചു വരുത്തുകയായിരുന്നു. കസ്റ്റഡിയിലെടുത്ത ബോട്ട് തുറമുഖ വകുപ്പിന്റെ യാര്‍ഡിലേക്ക് മാറ്റി.