മുക്കം: കോഴിക്കോട് ജില്ലയിലെ മുക്കത്ത് നടുറോഡില്‍ ജുമാ നമസ്‌കാം നടത്തി സമരക്കാര്‍. ഗെയില്‍ പൈപ്പ് ലൈനിനെതിരെ ബഹുജന സമരം തുടരുന്ന മുക്കത്തെ എരഞ്ഞിമാവിലാണ് സമരക്കാര്‍ നടുറോഡില്‍ ജുമാ നമസ്‌ക്കാരം നിര്‍വവഹിച്ചത്.
മുക്കം കൊടിയത്തൂര്‍ ജനവാസ മേഖലയിലൂടെ പോവുന്ന നിര്‍ദിഷ്ട കൊച്ചി-മംഗലാപുരം വാതക പൈപ്പ് ലൈന്‍ പ്രവൃത്തിക്കെതിരായാണ് എരഞ്ഞിമാവില്‍ പ്രതിഷേധം നടക്കുന്നത്. വന്‍ പൊലീസ് സാന്നിധ്യത്തിലാണ് സര്‍ക്കാര്‍ പ്രവൃത്തി നടത്താനൊരുങ്ങുന്നത്. എന്നാല്‍ ഗെയില്‍ വിരുദ്ധ ജനകീയ കമ്മിറ്റിയുടെ നേതൃത്വത്തില്‍ പ്രതിഷേധവും ശക്തമാണ്. കഴിഞ്ഞ ദിവസം പ്രതിഷേധക്കാരെ പൊലീസ് അറസ്റ്റ് ചെയ്തിരുന്നു.
സമര സമിതി നേതാക്കളെ അറസ്റ്റ് ചെയ്തതോടെ സമരം അവസാനിക്കില്ലെന്നും വരും ദിവസങ്ങളില്‍ കൂടുതല്‍ ശക്തിയോടെ സമര രംഗത്ത് എത്തുമെന്നും ആക്ഷന്‍ കമ്മിറ്റി ഭാരവാഹികള്‍ പറഞ്ഞു.