ആത്മകഥയില്‍ ഞെട്ടിക്കുന്ന വെളിപ്പെടുത്തലുമായി സിപിഐ മുതിര്‍ന്ന നേതാവും മുന്‍ ഭക്ഷ്യമന്ത്രിയുമായ സി ദിവാകരന്‍. മുഖ്യമന്ത്രി സ്ഥാനത്തിരുന്ന തന്നെ ഏതോ ഗൂഢാലോചനയുടെ ഭാഗമായി പ്രതിപക്ഷത്ത് ഇരുത്തി എന്ന ചിന്ത മുന്‍ മുഖ്യമന്ത്രി വിഎസ് അച്യുതാനന്ദനെ അലട്ടിയിരുന്നതായി അദ്ദേഹം ആത്മകഥയില്‍ വെളിപ്പെടുത്തി. ജൂണ്‍ ഒന്നിന് പുറത്തിറങ്ങുന്ന ‘കനല്‍ വഴികളിലൂടെ’ എന്ന ആത്മകഥയിലാണ് ഇക്കാര്യം ഉള്ളത്.
വിഎസ് സര്‍ക്കാരിനെ പ്രതിരോധത്തിലാക്കിയ മൂന്നാര്‍ ദൗത്യത്തെ കുറിച്ചും പുസ്തകത്തില്‍ പറയുന്നുണ്ട്.വന്‍കിടക്കാരും പ്രമുഖരും കയ്യേറിയ മൂന്നാറിലെ സര്‍ക്കാര്‍ ഭൂമി ഒഴിപ്പിച്ചെടുക്കാന്‍ മുന്‍ വി. എസ് സര്‍ക്കാര്‍ നടത്തിയ ദൗത്യം പാതിവഴിയില്‍ നിര്‍ത്താന്‍ കാരണം സര്‍ക്കാര്‍ വീഴുമെന്നത് കൊണ്ടാണെന്നും അദ്ദേഹം പറയുന്നു.