കൊച്ചിയിൽ നിന്ന് കാണാതായ യുവാവ് ഗോവയിൽ കൊല്ലപ്പെട്ടു.കൊച്ചി തേവര സ്വദേശി ജെഫ് ജോൺ (27) ആണ് കൊല്ലപ്പെട്ടത്. കേസിൽ കോട്ടയം, വയനാട് സ്വദേശികളായ മൂന്ന് പേരെ പൊലീസ് അറസ്റ്റ് ചെയ്തു.കോട്ടയം വെള്ളൂര്‍ സ്വദേശിയായ അനില്‍ ചാക്കോ, സ്‌റ്റെഫിന്‍, വയനാട് സ്വദേശി വിഷ്ണു എന്നിവരാണ് അറസ്റ്റിലായത്. 2021 നവംബറിലാണ് ജെഫ് ജോണിനെ കാണാനില്ലെന്ന് കാട്ടി അമ്മ തേവര പൊലീസിൽ പരാതി നൽകിയത്. മറ്റൊരു കേസ് അന്വേഷണത്തിനിടെയാണ് കൊലപാതക വിവരം പുറത്താവുന്നത്.തുടര്‍ന്ന് ഗോവാ പൊലീസുമായി ചേര്‍ന്ന് നടത്തിയ അന്വേഷണത്തില്‍ ജെഫ് ജോണിനെ കൊലപ്പെടുത്തിയതായി സ്ഥിരീകരിക്കുകയായിരുന്നു. ജോണിന്റെ മൃതദേഹം അവിടെ തന്നെ സംസ്‌കരിച്ചതായും പ്രതികള്‍ പൊലീസിനോട് പറഞ്ഞു.