ന്യൂഡല്‍ഹി: ഡല്‍ഹിയില്‍ പൊലീസ് ഹെഡ് കോണ്‍സ്റ്റബിള്‍ സര്‍വീസ് പിസ്റ്റള്‍ കൊണ്ട് സ്വയം വെടിവെച്ചു മരിച്ചു.ഹെഡ് കോണ്‍സ്റ്റബിളായ ദേവേന്ദര്‍ ആണ് പഹര്‍ഗഞ്ച് പൊലീസ് സ്റ്റേഷനില്‍വെച്ച്‌ വെടിവെച്ചു മരിച്ചത്. വ്യാഴാഴ്ച പുലര്‍ച്ചെ 3.30-നാണ് സംഭവം.
വ്യക്തിപരമായ കാരണങ്ങളാലാണ് മരിക്കുന്നതെന്നാണ് മൃതദേഹത്തിന് സമീപത്തുനിന്ന് കണ്ടെത്തിയ കുറിപ്പില്‍ പറയുന്നത്. ലേഡി ഹാര്‍ഡിഞ്ച് മെഡിക്കല്‍ കോളജില്‍ പോസ്റ്റ്‌മോര്‍ട്ടം നടത്തിയ ശേഷം മൃതദേഹം അദ്ദേഹത്തിന്റെ സ്വദേശമായ ഹരിയാനയിലേക്ക് കൊണ്ടുപോയി.