കരിപ്പൂര്‍ വിമാനത്താവളം വഴി സ്വര്‍ണം കടത്താന്‍ ശ്രമിച്ച 19 കാരി പിടിയില്‍. കാസര്‍കോട് സ്വദേശിനി ഷഹല ആണ് പിടിയിലായത്.ഷഹലയുടെ പക്കല്‍ നിന്നും ഒരു കോടി രൂപയുടെ സ്വര്‍ണം പിടിച്ചെടുത്തു.
ഇന്നലെ രാത്രി 10 മണിയോടെയായിരുന്നു സംഭവം. ദുബായില്‍ നിന്നാണ് സ്വര്‍ണവുമായി ഷഹല എത്തിയത്. അടിവസ്ത്രത്തില്‍ തുന്നിപ്പിടിപ്പിച്ച രീതിയില്‍ ആയിരുന്നു സ്വര്‍ണം. കസ്റ്റംസിന്റെ സുരക്ഷാ പരിശോധനയ്‌ക്ക് ശേഷം വിമാനത്താവളത്തിന് പുറത്തെത്തിയ പെണ്‍കുട്ടിയെ പോലീസ് ആണ് പിടികൂടിയത്.അടിവസ്ത്രത്തില്‍ സ്വര്‍ണം മിശ്രിതമാക്കിയാണ് തുന്നിപ്പിടിപ്പിച്ചത്. ഇത്തരത്തിലുള്ള മൂന്ന് പാക്കറ്റ് സ്വര്‍ണം ഷഹലയുടെ പക്കല്‍ നിന്നും കണ്ടെത്തി. 1884 ഗ്രാം സ്വര്‍ണം സ്വര്‍ണമാണ് പിടിച്ചെടുത്തത് എന്ന് പോലീസ് പറഞ്ഞു.