മട്ടന്നൂര്‍ ഷുഹൈബ് വധക്കേസില്‍ പി. ജയരാജന്റെ പങ്ക് അന്വേഷിക്കണമെന്ന് ഷുഹൈബിന്റെ പിതാവ് മുഹമ്മദ്. അന്നത്തെ ജില്ലാ സെക്രട്ടറിയായിരുന്ന ജയരാജന്‍ അറിയാതെ കൊലപാതകം നടക്കില്ലെന്നാണ് മുഹമ്മദ് ആരോപിക്കുന്നത്. സംഭവത്തിലെ മുഴുവന്‍ കുറ്റവാളികളെയും കണ്ടെത്താന്‍ സിബിഐ അന്വേഷണം വേണമെന്നും മുഹമ്മദ് ആവശ്യപ്പെട്ടു.
ഷുഹൈബ് വധക്കേസിലെ പ്രതിയായ ആകാശ് തില്ലങ്കേരിയുടെ ഫേസ്ബുക്ക് കമന്റ് വിവാദമായിരുന്നു.തില്ലങ്കെരിയുടെ എഫ് ബി പോസ്റ്റ് ഷുഹൈബ് വധത്തിന് പിന്നില്‍ ഗൂഢാലോചന നടന്നു എന്നതിന്റെ തെളിവാണെന്ന് കണ്ണൂര്‍ ഡി സി സി പ്രസിഡന്റ്‌, മാര്‍ട്ടിന്‍ ജോര്‍ജ് പറഞ്ഞു. ഗുണ്ടാ സംഘങ്ങള്‍ തമ്മിലുണ്ടായ പടല പിണക്കമാണ് വെളിപ്പെടുത്തലിനു പിന്നിലെന്നും മാര്‍ട്ടിന്‍ പറഞ്ഞു.
കമന്റ് വിവാദമായതിനെ തുടര്‍ന്ന് തില്ലങ്കേരിക്ക് എതിരായ പോസ്റ്റ് ഡി.വൈ.എഫ്.ഐ നേതാവ് പിന്‍വലിച്ചിരുന്നു. മട്ടന്നൂര്‍ ബ്ലോക്ക്‌ പ്രസിഡന്റ്‌ സരീഷ് ആണ് എഫ് ബി പോസ്റ്റ് പിന്‍വലിച്ചത്. ഈ പോസ്റ്റിന്റെ കമന്റ് ആയിട്ടായിരുന്നു ആകാശ് സിപിഎം നേതൃത്വത്തിനെതിരെ രംഗത്ത് എത്തിയത്