തിരുവനന്തപുരം: സ്കൂളിലേക്ക് പോയ പെണ്‍കുട്ടിയുമായി കാറില്‍ കറങ്ങിയ യുവാവ് പിടിയില്‍. ഒറ്റൂര്‍ ചേന്നന്‍കോട് പ്രസിഡന്റുമുക്ക് പി എസ് മന്ദിരത്തില്‍ 22കാരനായ മാഫീന്‍ എന്ന യുവാവാണ് പിടിയിലായത്.
സ്കൂളില്‍ പോയ പെണ്‍കുട്ടിയെ കാണാനില്ലെന്ന വീട്ടുകാരുടെ പരാതിയെ തുടര്‍ന്ന് പൊലീസ് നടത്തിയ അന്വേഷണത്തിലാണ് ഇരുവരെയും കണ്ടെത്തിയത്. ഫേയ്സ്ബുക്ക് വഴിയാണ് ഇരുവരും സൗഹൃദം സ്ഥാപിച്ചത്. പ്രായപൂര്‍ത്തിയാകാത്ത പെണ്‍കുട്ടിയെ കാണാനില്ലെന്ന രക്ഷിതാക്കളുടെ പരാതിയെ തുടര്‍ന്നാണ് പൊലീസ് അന്വേഷണം ആരംഭിച്ചത്.
സിസിടിവി ദൃശ്യങ്ങള്‍ പരിശോധിച്ചപ്പോള്‍ യുവാവിനൊപ്പം പെണ്‍കുട്ടി കാറില്‍ കയറിപ്പോകുന്നത് കണ്ടു. തുടര്‍ന്ന് നടത്തിയ അന്വേഷണത്തിലാണ് യുവാവിനെയും പെണ്‍കുട്ടിയെയും കണ്ടെത്തിയത്. ഇവര്‍ സഞ്ചരിച്ച വാഹനവും പൊലീസ് കസ്റ്റഡിയില്‍ എടുത്തിട്ടുണ്ട്