ആദിവാസി യുവാവ് വിശ്വനാഥന്റെ മരണത്തില്‍ കോഴിക്കോട് റേഞ്ച് ഐ.ജിയുടെ നേതൃത്വത്തില്‍ ഇന്ന് അന്വേഷണം അവലോകനം ചെയ്യും.പട്ടികജാതി-പട്ടികവര്‍ഗ പീഡന നിരോധന നിയമം ചുമത്തി കേസെടുത്ത പൊലീസ് ഇന്നലെ വിശ്വനാഥന്റെ കല്‍പ്പറ്റയിലെ വീട്ടിലെത്തി ഭാര്യയുടെയും ബന്ധുകളുടെയും മൊഴിയെടുത്തിരുന്നു. കേസിന്റെ തുടര്‍നടപടികള്‍ യോഗത്തില്‍ ചര്‍ച്ചയാകും. ഐ.ജി നീരജ് ഗുപ്ത അവലോകന യോഗത്തിന് നേതൃത്വം നല്‍കും.
യുവാവിന്റെ മരണത്തില്‍ അമ്മ, ഭാര്യ, സഹോദരന്‍ എന്നിവരുടെ മൊഴിയാണ് അന്വേഷണ സംഘം കഴിഞ്ഞ ദിവസം രേഖപ്പെടുത്തിയത്. രണ്ട് മണിക്കൂറിലധികം സമയം സംഘം വിശ്വനാഥന്റെ വീട്ടില്‍ ചെലവഴിച്ചു. മാനന്തവാടി മെഡിക്കല്‍ കോളജില്‍വച്ചാണ് വിശ്വനാഥന്റെ ഭാര്യയുടെ മൊഴിയെടുത്തത്.