ലോകത്തിലെ ഏറ്റവും വലിയ ഓണ്‍ലൈന്‍ വീഡിയോ പ്ലാറ്റ്ഫോമായ യൂട്യൂബിന്റെ ചീഫ് എക്സിക്യൂട്ടീവ് ഓഫീസര്‍ സ്ഥാനമൊഴിയാനൊരുങ്ങി സൂസന്‍ വോജിക്കി. യൂട്യൂബിന്റെ ചീഫ് പ്രൊഡക്റ്റ് ഓഫീസറായ നീല്‍ മോഹന്‍ ആയിരിക്കും യൂട്യൂബിന്റെ പുതിയ മേധാവി.
2014-ലാണ് യൂട്യൂബിന്റെ സിഇഒ ആയി സൂസന്‍ വോജിക്കി സ്ഥാനമേല്‍ക്കുന്നത്. പരസ്യത്തിന്റെയും മാര്‍ക്കറ്റിങിന്റെയും ചുമതല വഹിച്ചിരുന്ന ഗൂഗിള്‍ വൈസ് പ്രസിഡന്റായിരുന്നു സൂസന്‍ വോജിക്കി. 9 വര്‍ഷത്തെ സേവനത്തിന് ശേഷമാണ് അവര്‍ സിഇഒ സ്ഥാനമൊഴിയുന്നത്.