മാനനഷ്ടക്കേസില് കുറ്റക്കാരനെന്ന് കണ്ടെത്തിയ വിധി സ്റ്റേ ചെയ്യണമോന്നാവശ്യപ്പെട്ട് കോണ്ഗ്രസ് നേതാവ് രാഹുല് ഗാന്ധി നല്കിയ ഹര്ജിയില് ഗുജറാത്ത് ഹൈക്കോടതി വേനലവധിക്കു ശേഷം വിധി പറയും. വിധിക്ക് ഇടക്കാല സ്റ്റേ അനുവദിക്കണമെന്ന രാഹുലിന്റെ ആവശ്യം ജസ്റ്റിസ് ഹേമന്ത് പ്രചക് അനുവദിച്ചില്ല.
ഹര്ജിയില് ഇരുപക്ഷത്തിന്റെയും വാദം കേട്ട കോടതി വിധി പറയാന് മാറ്റിവെക്കുകയായിരുന്നു. ഇടക്കാല സ്റ്റേ ഇല്ലാത്തതിനാല് രാഹുലിന്റെ പാര്ലമെന്റ് അംഗത്വത്തിനുള്ള അയോഗ്യത തുടരും.
മജിസ്ട്രേറ്റ് കോടതി ഉത്തരവ് സ്റ്റേ ചെയ്യണമെന്ന രാഹുല് ഗാന്ധിയുടെ അപേക്ഷ നേരത്തെ സൂറത്ത് കോടതി തള്ളിയിരുന്നു. ഇതിനെതിരെയാണ് രാഹുല് ഗാന്ധി ഹൈക്കോടതിയെ സമീപിച്ചത്.