ന്യൂഡല്‍ഹി: മെട്രോ ട്രെയിനില്‍ യാത്ര ചെയ്യുന്നതിനിടെ യുവാവും യുവതിയും പരസ്യമായി ചുംബനത്തില്‍ ഏര്‍പ്പെടുന്നതിന്റെ വീഡിയോ സാമൂഹ്യ മാധ്യമങ്ങളില്‍ വ്യാപകമായി പ്രചരിക്കപ്പെട്ടതിനു പിന്നാലെ മുന്നറിയിപ്പുമായി ഡല്‍ഹി മെട്രോ റെയില്‍ കോര്‍പ്പറേഷന്‍. യാത്രക്കാര്‍ക്ക് പ്രയാസം സൃഷ്ടിക്കുന്ന ഇത്തരം നടപടികളില്‍ നിന്ന് വിട്ടു നില്‍ക്കണമെന്ന് ഡി.എം.ആര്‍.സി അറിയിച്ചു.
ഇത്തരം കാര്യങ്ങള്‍ വീഡിയോ എടുത്ത് പ്രചരിപ്പിക്കുന്നതിനു പകരം അടുത്ത സ്റ്റേഷനിലോ സുരക്ഷാ ഉദ്യോഗസ്ഥരേയോ വിവരം അറിയിക്കണം. ഇത്തരക്കാര്‍ക്കെതിരെ നടപടി സ്വീകരിക്കുമെന്നും ഡി.എം.ആര്‍.സി വ്യക്തമാക്കി.