തെരുവിലിറങ്ങിയുന്ന സമരം നിര്‍ത്തിയെന്നും ഇനി കോടതി വഴി പോരാടുമെന്ന് പ്രതിഷേധത്തിലായിരുന്ന ഗുസ്തിതാരങ്ങള്‍. ലൈംഗികാരോപണ വിധേയനായ ഡബ്ല്യുഎഫ്‌ഐ മേധാവി ബ്രിജ് ഭൂഷണ്‍ സിങ്ങിനെതിരായ തങ്ങളുടെ പോരാട്ടം ഇനി കോടതികളില്‍ നടക്കുമെന്നും ഗുസ്തി താരങ്ങള്‍ കഴിഞ്ഞ ദിവസം വ്യക്തമാക്കി.
ബ്രിജ് ഭൂഷനെ കുറ്റപത്രം സമര്‍പ്പിക്കുന്നതില്‍ സര്‍ക്കാര്‍ വാക്ക് പാലിച്ചു. എന്നാല്‍, നീതി ലഭിക്കുന്നത് വരെ പോരാട്ടം തുടരും. നിയമപോരാട്ടം റോഡിലല്ല, കോടതിയിലാണെന്നും ഗുസ്തി താരങ്ങള്‍ അറിയിച്ചു.
‘ഡബ്ല്യുഎഫ്‌ഐയിലെ പരിഷ്‌കരണവുമായി ബന്ധപ്പെട്ടുള്ള തിരഞ്ഞെടുപ്പ് പ്രക്രിയ ആരംഭിച്ചു. ജൂലൈ 11 ന് നടക്കുന്ന തിരഞ്ഞെടുപ്പുമായി ബന്ധപ്പെട്ട് സര്‍ക്കാര്‍ നല്‍കിയ വാഗ്ദാനങ്ങള്‍ നിറവേറ്റുന്നതിനായി ഞങ്ങള്‍ കാത്തിരിക്കും, ഗുസ്തിതാരങ്ങള്‍ ട്വിറ്ററിലൂടെയാണ് ഈ വിവരം അറിയിച്ചത്.