സിപിഎം അടക്കമുള്ള പാര്‍ട്ടികള്‍ ഫാഷിസത്തെ ചെറുക്കുന്നതിന് ദേശീയ തലത്തില്‍ യുപിഎയുടെ ഭാഗമാകണമെന്ന് മുസ്‌ലിം ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങള്‍. വര്‍ഗീയ ഫാഷിസത്തിനെതിരെ തന്ത്രപരമായ നിലപാട് ശക്തിപ്പെട്ട് വരേണ്ടതുണ്ടെന്നും അദ്ദേഹം പറഞ്ഞു.
തെരെഞ്ഞെടുപ്പ് ആസന്നമായ വേളയില്‍ രൂപം കൊടുക്കുന്ന മുന്നണി സംവിധാനം പാടില്ല. എല്ലാ സംസ്ഥാനങ്ങളിലേക്കും ഇറങ്ങിച്ചെന്ന് യു.പി.എ പ്രവര്‍ത്തിച്ചാല്‍ മാത്രമെ മികച്ച ഫലമുണ്ടാകുവെന്നും തങ്ങള്‍ കൂട്ടിച്ചേര്‍ത്തു. മുന്നണി മാറണമെന്ന അഭിപ്രായം പലര്‍ക്കും ഉണാകാമെന്നും എന്നാല്‍ യുഡിഎഫിനെ ശക്തിപ്പെടുത്തുകയാണ് ലീഗിന്റെ ലക്ഷ്യമെന്ന് സാദിഖലി തങ്ങള്‍ പറഞ്ഞു.