മൈസൂരുവില്‍ പ്രധാനമന്ത്രി നരേന്ദ്രമോദിയുടെ സഹോദരന്‍ പ്രഹ്ലാദ് മോദിയും കുടുംബവും സഞ്ചരിച്ച കാര്‍ അപകടത്തില്‍ പെട്ട് പരിക്ക്. മകനും മരുമകളും പേരക്കുട്ടിയുമായി പോകുമ്പോള്‍ ഉച്ചതിരിഞ്ഞ് രണ്ടുമണിയോടെയാണ് അപകടം. കുട്ടിയുടെ കാലിന് പൊട്ടലുണ്ട്. കാറിന് പൊലീസ് അകമ്പടിയുണ്ടായിരുന്നു. മെഴ്‌സിഡസ് ബെന്‍സ് കാറാണ് അപകടത്തില്‍പെട്ടത്. മുന്‍വശം കാര്യമായി തകര്‍ന്നിട്ടുണ്ട്. സ്വയം നിയന്ത്രണം വിടുകയായിരുന്നുവെന്നാണറിയുന്നത്. ബന്ദിപ്പൂര്‍ വനത്തിലേക്ക് വിനോദയാത്ര പോകുകയായിരുന്നു സംഘം.