അച്ചടക്കലംഘനം നടത്തിയ 4 ജീവനക്കാരെ കെഎസ്ആര്‍ടിസി സസ്‌പെന്‍ഡ് ചെയ്തു. ജിജി.വി ചേലപ്പുറം, അനില്‍ ജോണ്‍, വിഷ്ണു എസ്. നായര്‍, ബി. വിജയന്‍പിള്ള എന്നിവരെയാണു സസ്‌പെന്‍ഡ് ചെയ്തത്. പോക്‌സോ കേസില്‍പ്പെട്ടതിനെ തുടര്‍ന്നാണു പെരുമ്പാവൂര്‍ യൂണിറ്റിലെ കണ്ടക്ടര്‍ ജിജി.വി ചേലപ്പുറത്തിനെ അന്വേഷണ വിധേയമായി സസ്‌പെന്‍ഡ് ചെയ്തത്.
കൊല്ലം – കായംകുളം സര്‍വീസില്‍ ഒരു യാത്രക്കാരിക്കു ടിക്കറ്റ് നല്‍കാതെ സൗജന്യയാത്ര അനുവദിച്ചതിനാണു പുനലൂര്‍ യൂണിറ്റിലെ കണ്ടക്ടര്‍ അനില്‍ ജോണിനെ സസ്‌പെന്‍ഡ് ചെയ്തത്. കോതമംഗലം യൂണിറ്റിലെ ജീവനക്കാരുടെ മുറിയില്‍ മദ്യപിച്ചു ബഹളമുണ്ടാക്കിയതിനാണു കണ്ടക്ടര്‍ വിഷ്ണു എസ്. നായരെ സസ്‌പെന്‍ഡ് ചെയ്തത്. വിദ്യാര്‍ഥിയോടു മോശമായി പെരുമാറിയതിനാണു ഹരിപ്പാട് യൂണിറ്റിലെ കണ്ടക്ടര്‍ ബി. വിജയന്‍പിള്ളയെ സസ്‌പെന്‍ഡ് ചെയ്തത്.