തിരുവനന്തപുരം: പുതിയ രാഷ്ട്രീയ അടവുനയങ്ങള്‍ പാര്‍ട്ടി കോണ്‍ഗ്രസ് ചര്‍ച്ച ചെയ്യുമെന്ന് പ്രകാശ് കാരാട്ട്. ത്രിപുര തെരഞ്ഞെടുപ്പ് ഫലം പാര്‍ട്ടിക്ക് പുതിയ ദിശാബോധം നല്‍കണം. രാഷ്ട്രീയ, പ്രത്യയശാസ്ത്ര പോരാട്ടങ്ങളില്‍ ത്രിപുര തെരഞ്ഞെടുപ്പ് ഫലം നല്‍കുന്ന പാഠം ഇതാണെന്നും കാരാട്ട് വ്യക്തമാക്കി.
ത്രിപുര തെരഞ്ഞെടുപ്പ് ഫലത്തിന്റെ പശ്ചാത്തലത്തില്‍ കാരാട്ട് പക്ഷത്തിന്റെ നിലപാടുകള്‍ ശക്തമായി വിമര്‍ശിക്കപ്പെട്ടിരുന്നു. കോണ്‍ഗ്രസുമായി തെരഞ്ഞെടുപ്പ് ധാരണയെന്ന യെച്ചൂരി പക്ഷത്തിന്റെ നിലപാട് കാരാട്ട് പക്ഷം തള്ളിയിരുന്നു. ഈ നിലപാട് പുനഃപരിശോധിക്കുമെന്ന സൂചനയാണ് കാരാട്ട് ഇപ്പോള്‍ നല്‍കുന്നത്.