ഗര്‍ഭിണിയായ ഭാര്യയോട് കൊടും ക്രൂരത. എട്ടുമാസം ഗര്‍ഭിണിയായ ഭാര്യയെ ബൈക്കില്‍ കെട്ടി റോഡിലൂടെ വലിച്ചിഴച്ച് യുവാവ്. ഉത്തര്‍പ്രദേശിലെ പിലിബിത്തിലാണ് ക്രൂരമായ സംഭവമുണ്ടായത്. ഭര്‍ത്താവിന്റെ മദ്യപാനത്തെ ചോദ്യം ചെയ്തതിനാണ് അക്രമം. സംഭവത്തില്‍ പിലിബിത്തിലെ ഗുംങ്ചായ് സ്വദേശി രാംഗോപാലിനെ പൊലീസ് അറസ്റ്റ് ചെയ്തു. കഴിഞ്ഞ ദിവസമാണ് കൊടുംക്രൂരത അരങ്ങേറിയത്. മദ്യലഹരിയില്‍ വീട്ടിലെത്തിയ രാംഗോപാലിനോട് ഭാര്യ സുമന്‍ കയര്‍ത്തതായിരുന്നു സംഭവത്തിനു തുടക്കം. ഇതില്‍ ദേഷ്യംവന്ന ഭര്‍ത്താവ് സുമനെ മര്‍ദിച്ചു. പിന്നീടാണ് തന്റെ ബൈക്കില്‍ കെട്ടി 200 മീറ്ററിലധികം റോഡിലൂടെ വലിച്ചിഴച്ചത്.