കടുത്തുരുത്തി: വിദേശി വനിതയെ പീഡിപ്പിച്ച കേസിലെ പ്രതിയായ വൈദികനെ വൈദിക വൃത്തിയില്‍ നിന്ന് രൂപത പുറത്താക്കി. പാല രൂപതയിലെ കല്ലറ പെറുംതുരുത്ത് സെന്റ് മാത്യൂസ് പള്ളി വികാരി തോമസ് താന്നിനില്‍ക്കും തടത്തിലിനെയാണ് പുറത്താക്കിയത്. സോഷ്യല്‍മീഡിയയിലൂടെ പ്രണയം നടിച്ച യുവതിയെ കേരളത്തിലെത്തിച്ച ശേഷം വൈദികന്‍ പീഡിപ്പിക്കുകയായിരുന്നു എന്നാണ് ഇയാള്‍ക്കെതിരെയുള്ള കേസ്.
എല്ലാ പൗരോഹിത്യ കര്‍മ്മങ്ങളില്‍ നിന്നും വൈദികനെ നീക്കം ചെയ്തതായി പാലാ രൂപത അറിയിക്കുകയായിരുന്നു. ചങ്ങനാശ്ശേരി ഫാത്തിമാപുരം സ്വദേശിയാണ് ഫാ. തോമസ് താന്നിനില്‍ക്കും തടത്തില്‍, ഫേസ് ബൂക്കിലൂടെ പ്രണയം നടിച്ച തന്നെ നിര്‍ബന്ധിച്ച് കേരളത്തിലേക്ക് വരുത്തുകയും പിന്നീട് പീഡിപ്പിക്കുകയുമായിരുന്നു എന്ന് വിദേശി യുവതി കടുത്തുരുത്തി പൊലീസില്‍ നല്‍കിയ പരാതിയില്‍ പറയുന്നു. പൊലീസ് കേസ് രജിസ്റ്റര്‍ ചെയ്തു അന്വേഷണം നടത്തി വരികയാണ്. അതേസമയം പ്രതി ഒളിവില്‍ പോയാതായാണ് റിപ്പോര്‍ട്ടുകള്‍.