രാഹുല്‍ഗാന്ധിയുടെ ഭാരത് ജോഡോ യാത്രക്ക് പിന്നാലെ സഹോദരിയും കോണ്‍ഗ്രസ് ജനറല്‍സെക്രട്ടറിയുമായ ്പ്രിയങ്കഗാന്ധിയും ദേശീയതലത്തില്‍ യാത്രക്കൊരുങ്ങുന്നു. മഹിളായാത്രയെന്നായിരിക്കും പേര്. വരുന്ന റിപ്പബ്ലിക് ദിനത്തില്‍ ആരംഭിച്ച് മാര്‍ച്ച് 26ന് സമാപിക്കുന്ന വിധത്തിലായിരിക്കുംയാത്രയെന്ന് കെ.സിവേണുഗോപാല്‍ പറഞ്ഞു. രാഹുല്‍ഗാന്ധിയുടെ യാത്ര കടന്നുപോകാത്ത സംസ്ഥാനങ്ങളിലുംമറ്റു സംസ്ഥാനങ്ങളിലും പ്രിയങ്ക പര്യടനം നടത്തും.
1977ലെ പരാജയത്തിന് ശേഷം ഇന്ദിരാഗാന്ധി നടത്തിയ ദേശീയയാത്ര വലിയ ജനശ്രദ്ധപിടിച്ചുപറ്റാനും അധികാരത്തില്‍ തിരിച്ചുവരാനും കഴിഞ്ഞിരുന്നു. അതേസമയം രാഹുലിന്റെ യാത്ര മധ്യപ്രദേശിലെ യാത്ര അവസാനിപ്പിച്ച് അടുത്ത ദിവസം രാജസ്ഥാനിലെത്തും. വലിയ ജനപിന്തുണയാണ് മാനവികസാഹോദര്യം ഉല്‍ബോധിപ്പിച്ച് കൊണ്ടുളള യാത്രക്ക് ലഭിക്കുന്നത്.