രാജീവ് ഗാന്ധിവധക്കേസിലെ ശേഷിക്കുന്ന ആറു പ്രതികളെ വിട്ടയക്കാനുള്ള സുപ്രീം കോടതിവിധിയെ ഒരിക്കലും അംഗീകരിക്കാനാവില്ലെന്ന് കോണ്‍ഗ്രസ്സ്.വിധി തികച്ചും അസ്വീകാര്യവും തെറ്റായതുമാണെന്നാണ് ചൂണ്ടിക്കാട്ടിയിരിക്കുന്നത്.
‘കോണ്‍ഗ്രസ് പാര്‍ട്ടി അതിനെ വ്യക്തമായി വിമര്‍ശിക്കുന്നുവെന്നും അത് പൂര്‍ണ്ണമായും അംഗീകരിക്കാനാവില്ലെന്നും’ പാര്‍ട്ടിയുടെ കമ്മ്യൂണിക്കേഷന്‍സ് ജനറല്‍ സെക്രട്ടറി ജയറാം രമേശ് ട്വിറ്ററില്‍ കുറിച്ചു.
ഈ വിഷയത്തില്‍ സുപ്രീം കോടതി ഇന്ത്യയുടെ ആത്മാവിന് അനുസൃതമായി പ്രവര്‍ത്തിക്കാത്തത് ദൗര്‍ഭാഗ്യകരമാണെന്നും അദ്ദേഹം കൂട്ടിച്ചേര്‍ത്തു.ജസ്റ്റിസ്സുമാരായ ബി ആര്‍ ഗവായ്, ബി വി രാഗരത്‌ന എന്നിവരടങ്ങുന്ന ബെഞ്ചാണ് വിധി പ്രഖ്യാപിച്ചിരിക്കുന്നത്.