ഏത് ഗോവിന്ദന്‍ വന്നാലും തൃശൂരില്‍ താന്‍ ജയിക്കുമെന്ന് സുരേഷ് ഗോപി. ഇരട്ട ചങ്കുകളാണെന്ന് പറയുന്നവര്‍ ഇപ്പോള്‍ ഓട്ട ചങ്കുകളാണെന്ന് സുരേഷ് ഗോപി പരിഹസിച്ചു. 2024 ലോക്‌സഭാ തെരഞ്ഞെടുപ്പില്‍ തൃശൂരിലൊ അല്ലെങ്കില്‍ കണ്ണൂരിലൊ മത്സരിക്കാന്‍ തയ്യാറാണെന്നും സുരേഷ് ഗോപി പറഞ്ഞു.
‘ബ്രഹ്മപുരം വിഷയം കൈകാര്യം ചെയ്യാന്‍ പ്രാപിതിയില്ലെങ്കില്‍ കേന്ദ്രത്തോട് അപേക്ഷിക്കണം, ഇവിടെ എന്താണ് നടക്കുന്നത്? ജനങ്ങള്‍ സംസ്ഥാന സര്‍ക്കാരിനോട് കാലുപിടിച്ച് അപേക്ഷിക്കുന്നു’. സുരേഷ് ഗോപി പറഞ്ഞു.
അന്തംകമ്മി കൂട്ടങ്ങള്‍, ചൊറിയാന്‍ മാക്രി കൂട്ടങ്ങള്‍ ഇനിയും ട്രോളാന്‍ വരും, ഏത് ഗോവിന്ദന്‍ വന്നാലും ഞാന്‍ തൃശൂര്‍ എടുക്കും. രാഷ്ട്രീയമല്ല കരുണയും കരുതലുമാണ് കാട്ടിയതെന്നും ചാരിറ്റി രാഷ്ട്രീയം ആക്കാന്‍ പാടില്ലെങ്കില്‍ ഈ നുണയുടെ ചതിയുടെ, വഞ്ചനയുടെ രാഷ്ട്രീയം നിര്‍ത്തണമെന്നും സുരേഷ് ഗോപി പറഞ്ഞു.