ബന്ധുക്കളെ മണ്ണെണ്ണ ഒഴിച്ച് തീകൊളുത്തി: പിന്നാലെ കിടപ്പുമുറിയില്‍ തൂങ്ങിമരിച്ച് യുവാവ്

കണ്ണൂരില്‍ ബന്ധുക്കളെ തീ കൊളുത്തിയ ശേഷം യുവാവ് ആത്മഹത്യ ചെയ്തു. പാണ്ഡ്യം സ്വദേശി രഞ്ജിത്ത് (47)ആണ് ആത്മഹത്യ ചെയ്തത്.

ഇന്നലെ രാത്രിയാണ് വീട്ടുകാരെ രഞ്ജിത്ത് ആക്രമിച്ചത്. കുടുംബാംഗങ്ങളുടെ ദേഹത്ത് മണ്ണെണ്ണ ഒഴിച്ച് തീ ഇടുകയായിരുന്നു. സഹോദരന്‍ രജീഷ്, ഭാര്യ സുബിന, ആറു വയസ്സുള്ള ഇവരുടെ മകന്‍ ദക്ഷന്‍ തേജ എന്നിവര്‍ക്കാണ് പൊള്ളലേറ്റത്. തീയിട്ടതിന്റെ പിന്നാലെ ഇദ്ദേഹം കിടപ്പുമുറിയില്‍ കയറി തൂങ്ങിമരിച്ചു. പൊള്ളലേറ്റ മൂന്നുപേര്‍ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലാണ്.