കടകംപള്ളിക്കെതിരായ പരാമർശം: മു​ഹ​മ്മ​ദ് റിയാസിന്​ പാർട്ടിയിൽ വിമർശനം

മു​ൻ​മ​ന്ത്രി ക​ട​കം​പ​ള്ളി സു​രേ​ന്ദ്ര​നെ​തി​രെ മ​ന്ത്രി മു​ഹ​മ്മ​ദ്​ റി​യാ​സി​ന്‍റെ ‘ഒ​ളി​യ​മ്പ്​’ പ്ര​യോ​ഗ​ത്തി​ൽ സി.​പി.​എ​മ്മി​ന്​ അ​തൃ​പ്തി. ക​ട​കം​പ​ള്ളി​യെ സം​ശ​യ​ത്തി​ന്‍റെ ക​രി​നി​ഴ​ലി​ലാ​ക്കി​യ റി​യാ​സി​ന്‍റെ പ​രാ​മ​ർ​ശം അ​പ​ക്വ​മെ​ന്നാ​ണ്​ നേ​തൃ​യോ​ഗ​ത്തി​ലു​യ​ർ​ന്ന വി​മ​ർ​ശ​നം.

തി​രു​വ​ന​ന്ത​പു​രം കോ​ർ​പ​റേ​ഷ​നി​ലെ ഇ​ഴ​ഞ്ഞു​നീ​ങ്ങു​ന്ന റോ​ഡ്​ പ​ണി ജ​ന​ങ്ങ​ൾ​ക്ക്​ ബു​ദ്ധി​മു​ട്ടാ​യി മാ​റി​യ​ത്​ മേ​യ​ർ ആ​ര്യാ രാ​ജേ​ന്ദ്ര​നെ വേ​ദി​യി​ലി​രു​ത്തി ക​ട​കം​പ​ള്ളി സു​രേ​ന്ദ്ര​ൻ വി​മ​ർ​ശി​ച്ചി​രു​ന്നു.

മേ​യ​റെ ചാ​രി പൊ​തു​മ​രാ​മ​ത്ത്​ വ​കു​പ്പി​നെ​തി​രാ​യ വി​മ​ർ​ശ​ന​മാ​യാ​ണ്​ ഇ​ത്​ വ്യാ​ഖ്യാ​നി​ക്ക​പ്പെ​ട്ട​ത്. കോ​ർ​പ​റേ​ഷ​ന്‍റെ ച​ട​ങ്ങി​ൽ ന​ട​ത്തി​യ വി​മ​ർ​ശ​ന​ത്തി​ന്​ തൊ​ട്ട​ടു​ത്ത ദി​വ​സം മ​റു​പ​ടി​യു​മാ​യി മ​ന്ത്രി റി​യാ​സും രം​ഗ​ത്തെ​ത്തി. ചി​ല ക​രാ​റു​കാ​രെ ഒ​ഴി​വാ​ക്കി​യ​ത്​ ചി​ല​ർ​ക്ക്​ പൊ​ള്ളി​യെ​ന്നാ​യി​രു​ന്നു റി​യാ​സി​ന്‍റെ പ്ര​തി​ക​ര​ണം.

ക​ട​കം​പ​ള്ളി​യെ സം​ശ​യ​ത്തി​ലാ​ക്കി​യ മ​ന്ത്രി റി​യാ​സി​ന്‍റെ പ​രാ​മ​ർ​ശം പ്ര​തി​പ​ക്ഷം സ​ഭ​യി​ൽ ഉ​ന്ന​യി​ക്കു​ക​യും ചെ​യ്തു. റി​യാ​സു​മാ​യി ചേ​ർ​ന്നു​നി​ൽ​ക്കു​ന്ന സെ​ൽ​ഫി​യെ​ടു​ത്ത്​ സ​മൂ​ഹ​മാ​ധ്യ​മ​ങ്ങ​ളി​ൽ പോ​സ്റ്റ് ​ചെ​യ്ത ക​ട​കം​പ​ള്ളി ഞ​ങ്ങ​ൾ ത​മ്മി​ൽ പ്ര​ശ്ന​മി​ല്ലെ​ന്ന്​ വി​ശ​ദീ​ക​രി​ച്ചു. പൊ​ള്ളി​യെ​ന്നു​പ​റ​ഞ്ഞ​ത്​ ക​ട​കം​പ​ള്ളി​യെ​ക്കു​റി​ച്ച​ല്ലെ​ന്ന്​ റി​യാ​സും വ്യ​ക്ത​മാ​ക്കി. എ​ന്നാ​ൽ, റി​യാ​സി​ന്‍റെ ക​ടു​ത്ത പ​രാ​മ​ർ​ശം ക​ട​കം​പ​ള്ളി​ക്കും പാ​ർ​ട്ടി​ക്കു​മു​ണ്ടാ​ക്കി​യ പ​രി​ക്ക്​ നീ​ങ്ങി​യി​ട്ടി​ല്ല.