ലോകകപ്പില്‍ ഫ്രാന്‍സ് പരാജയപ്പെട്ടതിന് പിന്നാലെ ഫ്രാന്‍സില്‍ കലാപം. ആയിരക്കണക്കിന് ആരാധകരാണ് പാരീസിലും നൈസിലും ലിയോണിലും ഒഴുകിയെത്തിയത്. ക്രമസമാധാന നില നിലനിര്‍ത്താന്‍ ശ്രമിക്കുമ്പോഴും സാമൂഹ്യ മാധ്യമങ്ങളില്‍ പോസ്റ്റ് ചെയ്ത ചില വീഡിയോകളില്‍ അക്രമം നടക്കുന്നതായി വ്യക്തമാക്കുന്നുണ്ട്.
കല്ലെറിഞ്ഞും പടക്കം പൊട്ടിച്ചുമാണ് അക്രമം. ഒരു സ്ത്രീ ആക്രമിക്കപ്പെട്ടതായും അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. രാജ്യത്തുടനീളം 14000 പോലീസുകാരെ വിന്യസിച്ചിട്ടുള്ളതായാണ് റിപ്പോര്‍ട്ടുകള്‍.