വാനാപകടത്തില്‍ പരിക്കേറ്റ ഇന്ത്യന്‍ ക്രിക്കറ്റ് താരം ഋഷഭ് പന്തിന്റെ ആരോഗ്യനില തൃപ്തികരമെന്ന് ബിസിസിഐ. അദ്ദേഹത്തെ കൂടുതല്‍ പരിശോധനകള്‍ക്ക് വിധേയമാക്കുമെന്ന് ബിസിസിഐ സെക്രട്ടറി ജയ്ഷ അറിയിച്ചു.
അതേസമയം പന്തിന്റെ ചികിത്സാ ചെലവ് പൂര്‍ണമായും സംസ്ഥാന സര്‍ക്കാര്‍ വഹിക്കുമെന്ന് ഉത്തരാഖണ്ഡ് മുഖ്യമന്ത്രി പുഷ്‌കര്‍ സിംഗ് ധാമി പ്രതികരിച്ചു. ഡെറാഡൂണ്‍ ആശുപത്രിയിലാണ് ഇന്ത്യന്‍ ക്രിക്കറ്റ് താരത്തെ പ്രവേശിച്ചിരിക്കുന്നത്.
ഉത്തരാഖണ്ഡില്‍ ഇന്ന് പുലര്‍ച്ചെയാണ് വീട്ടിലേക്ക് കാര്‍ ഓടിച്ചു പോകും വഴി താരത്തിന്റെ കാര്‍ അപകടത്തില്‍പ്പെട്ടത്. ഡിവൈഡറില്‍ ഇടിച്ച കാറിന് തീ പിടിക്കുകയായിരുന്നു.വാഹനത്തില്‍ തീ പടര്‍ന്നതോടെ ഗ്ലാസ് തകര്‍ത്തണ് പന്ത് രക്ഷപ്പെട്ടത്.