ന്യൂയോര്‍ക്ക്: ന്യൂയോര്‍ക്കില്‍ ആക്രമണത്തിനിരയായ വിവാദ ബ്രിട്ടീഷ് ഇന്ത്യന്‍ എഴുത്തുകാരന്‍ സല്‍മാന്‍ റുഷ്ദിയുടെ ആരോഗ്യ നിലയില്‍ പുരോഗതി. അദ്ദേഹത്തെ വെന്റിലേറ്ററില്‍ നിന്ന് മാറ്റി. റുഷ്ദി ഡോക്ടമാരോട് സംസാരിച്ചതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു.
ന്യൂയോര്‍ക്കിലെ ഷട്ടോക്വ ഇന്‍സ്റ്റിറ്റിയൂഷനില്‍ പ്രസംഗിക്കാനെത്തിയ റുഷ്ദിക്ക് വെള്ളിയാഴ്ചയാണ് കുത്തേറ്റത്. ന്യൂജേഴ്‌സി സ്വദേശിയായ ഹാദി മതാറാണ് കുത്തിപരിക്കേല്‍പ്പിച്ചത്. വേദിയിലേക്ക് പാഞ്ഞെത്തിയ അക്രമി റുഷ്ദിയുടെ ദേഹത്തേക്ക് ചാടിവീഴുകയും ആദ്യം കഴുത്തിലും തുടര്‍ന്ന് ശരീരത്തിന്റെ മറ്റു ഭാഗങ്ങളിലും കുത്തി പരിക്കേല്‍പ്പിക്കുകയായിരുന്നു.