കേരള സാങ്കേതിക സര്‍വകലാശാല സിന്‍ഡിക്കേറ്റ് തീരുമാനങ്ങള്‍ സസ്പെന്ഡ് ചെയ്ത ചാന്‍സലര്‍ കൂടിയായ ഗവര്‍ണറുടെ നടപടി ഹൈക്കോടതി റദ്ദാക്കി. സിന്‍ഡിക്കേറ്റ് അംഗം കൂടിയായ ഐബി സതീഷ് എംഎല്‍എ നല്‍കിയ ഹര്‍ജിയിലാണ് സിംഗില്‍ ബെഞ്ച് ഉത്തരവ്.
അതിനിടെ കാരണം കാണിക്കല്‍ നോട്ടീസ് നല്‍കിയ സര്‍ക്കാര്‍ നടപടി ചോദ്യം ചെയ്ത് സിസ തോമസ് അഡ്മിനിസ്‌ട്രേറ്റീവ് ട്രൈബ്യൂണലിനെ സമീപിച്ചു. സിന്‍ഡിക്കേറ്റിന്റെയും ബോര്‍ഡ് ഓഫ് ഗവേര്‍ണന്‍സിന്റെയും തീരുമാനങ്ങള്‍ റദ്ദാക്കണമെന്നാവശ്യപ്പെട്ട് സിസ തോമസ് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ഗവര്‍ണറുടെ നടപടി.
വിസിയുടെ തീരുമാനങ്ങള്‍ പരിശോധിക്കാന്‍ ഉന്നതാധികാര ഉപസമിതി നിയോഗിച്ചതും ജീവനക്കാരെ സ്ഥലം മാറ്റിയതിനെ പരാതികള്‍ പരിഗണിക്കാന്‍ പ്രത്യത സമിതിയെ വച്ചതുമാണ് ഗവര്‍ണര്‍ സസ്പെന്ഡ് ചെയ്തത്.