പോക്‌സോ കേസില്‍ ബിജെപി അധ്യാപക സംഘടനയുടെ സംസ്ഥാന സെക്രട്ടറി അറസ്റ്റില്‍. ഒളിവില്‍ ആയിരുന്ന നാഷണല്‍ ടീച്ചേഴ്‌സ് യൂണിയന്‍ സംസ്ഥാന സെക്രട്ടറിയും വളയന്‍ചിറങ്ങര ഹയര്‍ സെക്കന്‍ഡറി സ്‌കൂള്‍ അധ്യാപകനുമായ എം ശങ്കറിനെ കഴിഞ്ഞദിവസം കുന്നത്തുനാട് പോലീസ് കസ്റ്റഡിയില്‍ എടുത്തിരുന്നു. ഇന്നാണ് ഇയാളുടെ അറസ്റ്റ് രേഖപ്പെടുത്തിയത്.
വ്യാഴാഴ്ചയാണ് ഇയാള്‍ക്കെതിരെ സ്‌കൂളിലെ പ്രധാന അധ്യാപകന്‍ പരാതി നല്‍കിയത്. രണ്ടു വിദ്യാര്‍ത്ഥികളെ ലൈംഗികമായി പീഡിപ്പിച്ച കേസിലാണ് അറസ്റ്റ്.