തൊടുപുഴ അല്‍ അസ്ഹര്‍ ലോ കോളജില്‍ എസ്.എഫ്.ഐ എ.ഐ.എസ്.എഫ് സംഘര്‍ഷം. സംഘര്‍ഷത്തില്‍ നിരവധി പേര്‍ക്ക് പരിക്കേറ്റിട്ടുണ്ട്. കോളേജില്‍ രണ്ട് ദിവസം മുമ്പ് നടന്ന തെരഞ്ഞെടുപ്പിനെ ചൊല്ലിയുള്ള തര്‍ക്കമാണ് സംഘര്‍ഷത്തില്‍ കലാശിച്ചത്.
ക്യാമ്പസില്‍ നടന്ന സംഘര്‍ഷത്തിന് പിന്നാലെ തൊടുപുഴ ജില്ലാ ആശുപത്രിയിലും ഇരു വിഭാഗവും തമ്മില്‍ ഏറ്റുമുട്ടി.
ആയുധങ്ങളടക്കമാണ് വിദ്യാര്‍ഥികളെത്തിയത്. ഇതിനിടെ ന്യൂ ഇന്ത്യന്‍ എക്‌സ്പ്രസ് ഫോട്ടോഗ്രാഫര്‍ ഷിയാസ് ബഷീറിനും പരിക്കേറ്റു. പൊലീസിന്റെ സാന്നിധ്യത്തിലായിരുന്നു സംഘര്‍ഷം. പിന്നീട് കൂടുതല്‍ പൊലീസ് സ്ഥലത്ത് എത്തിയാണ് സ്ഥിതി നിയന്ത്രണ വിധേയമാക്കിയത്‌