കൊല്ലം: സുപ്രീംകോടതി വിധിയില് പ്രതികരണവുമായി ഹാദിയയുടെ ഭര്ത്താവ് ഷെഫിന് ജഹാന്. വിധിയില് ഷെഫിന് ദൈവത്തിന് നന്ദി പറഞ്ഞു. ‘ഞങ്ങളുടെ വിവാഹം സുപ്രീംകോടതി ശരിവെച്ചു. സര്വ്വനാഥന് സ്തുതി’ഷെഫിന് ഫേസ്ബുക്കില് കുറിച്ചു.
ഹാദിയ, ഷെഫീന് ജഹാന്റെ ഭാര്യയാണെന്ന് നേരത്തെ സുപ്രീംകോടതി വിധിച്ചിരുന്നു. വിവാഹം റദ്ദാക്കിയ ഹൈക്കോടതി വിധി റദ്ദാക്കി കൊണ്ടാണ് സുപ്രീംകോടതി നിര്ണായകമായ വിധി പ്രഖ്യാപിച്ചത്. ഹാദിയ-ഷെഫിന് ജഹാന് വിവാഹം നിയമപരമാണെന്ന് കോടതി പറഞ്ഞു. ഷെഫിന് ജഹാന് സമര്പ്പിച്ച ഹര്ജിയിലാണ് കോടതിയുടെ ഉത്തരവ്.
വിവാഹം റദ്ദാക്കാന് ഹൈക്കോടതിക്ക് അധികാരമില്ല. ഹാദിയക്ക് ഷെഫിന് ജഹാനൊപ്പം പോകാമെന്നും പഠനം തുടരാമെന്നും സുപ്രീംകോടതി പറഞ്ഞു. വിവാഹം ഒഴികെയുള്ള കാര്യങ്ങളില് എന്.ഐ.എക്ക് അന്വേഷണം തുടരാം. ഷെഫിന് തീവ്രവാദബന്ധമുണ്ടെങ്കില് അന്വേഷിക്കാം. അന്വേഷണത്തില് കുറ്റക്കാരനെന്ന് കണ്ടെത്തിയാല് ഷെഫിന് ജഹാന് ഉള്പ്പെടെയുള്ളവര്ക്കെതിരെ നടപടിയുമായി മുന്നോട്ടുപോകാം. വിവാഹം ഇന്ത്യന് ബഹുസ്വരതയുടെ ഭാഗമാണ്. അത് തീര്ച്ചയായും സംരക്ഷിക്കപ്പെടണമെന്നും സുപ്രീംകോടതി വ്യക്തമാക്കി.