വയനാട്: കനത്ത മഴയെ തുടര്‍ന്ന് ബാണാസുര സാഗര്‍ അണക്കെട്ടിന്റെ ഷട്ടര്‍ തുറന്നു. അണക്കെട്ടിന്റെ നാല് ഷട്ടറുകളില്‍ ഒരു ഷട്ടറാണ് തുറന്നത്. ഇന്നലെ രാത്രിയോടെ പ്രദേശത്തിന് നിന്ന് ആളുകളെ പൂര്‍ണമായും മാറ്റിത്താമസിപ്പിച്ചിരുന്നു. എല്ലാ നടപടിക്രമങ്ങളും പൂര്‍ത്തിയാക്കിയ ശേഷമാണ് ശനിയാഴ്ച മൂന്ന് മണിയോടെ ഷട്ടര്‍ തുറന്നത്.
ഒരു ഷട്ടര്‍ 10 സെന്റീമീറ്റര്‍ ഉയരത്തിലാണ് തുറന്നത്. സെക്കന്റില്‍ 8500 ലിറ്റര്‍ വെള്ളമാണ് ഇതിലൂടെ പുറത്തേക്കൊഴുകുന്നത്. അതേസമയം സംസ്ഥാനത്ത് കനത്ത മഴ തുടരുമെന്നാണ് കാലാവസ്ഥാ നിരീക്ഷകേന്ദ്രം നല്‍കുന്ന മുന്നറിയിപ്പ്.