സിക്കിമിലെ മിന്നൽ പ്രളയത്തിൽ മരിച്ചവരുടെ എണ്ണം 44 ആയി ഉയർന്നു. 142 പേരെ കാണാനില്ലെന്നാണ് റിപ്പോർട്ടുകൾ. കാണാതായവർക്കുള്ള തെരച്ചിൽ നാലാം ദിവസവും തുടരുകയാണ്. ബംഗാൾ അതിർത്തിയിൽനിന്നും 6 മൃതദേഹങ്ങൾ കൂടി കണ്ടെത്തിയതായി അധികൃതർ അറിയിച്ചു. മരണസംഖ്യ ഇനിയും ഉയര്ന്നേക്കാമെന്നാണ് റിപ്പോര്ട്ട്.പ്രളയത്തില് മരിച്ച ഏഴു സൈനികരുടെ മൃതദേഹമാണ് ഇതുവരെ കണ്ടെത്തിയത്.ചുങ്താങ്ങിൽ തുരങ്കത്തിൽ കുടുങ്ങി കിടക്കുന്ന 14 പേരെ രക്ഷിക്കാനുള്ള ശ്രമം തുടരുകയാണ്. വിനോദസഞ്ചാരികൾ ഉൾപ്പെടെ 7000 പേരെ ഹെലികോപ്റ്റർ മാർഗ്ഗം രക്ഷപ്പെടുത്താനാണ് ശ്രമിക്കുന്നത്.സിക്കിമിലെ സ്കൂളുകളും കോളേജുകളും ഈ മാസം 15 വരെ അടച്ചിടും. മുഖ്യമന്ത്രി പ്രേം സിങ് തമാങ് ഉന്നതല യോഗം വിളിച്ച് സ്ഥിതി വിലയിരുത്തി. സംസ്ഥാനത്തേക്കുള്ള യാത്ര ഒഴിവാക്കണമെന്ന് സർക്കാർ അഭ്യർത്ഥിച്ചു. പ്രളയത്തിൽ മരിച്ചവരുടെ കുടുംബങ്ങള്ക്ക് അടിയന്തര സഹായധനമായി നാലു ലക്ഷം രൂപയും സര്ക്കാര് പ്രഖ്യാപിച്ചിട്ടുണ്ട്.
സിക്കിം പ്രളയക്കെടുതിയിൽ മരണം 44 ആയി ; കാണാതായ 142 പേർക്കായി തെരച്ചിൽ തുടരുന്നു
Tags: sikkimflood
Related Post