കരുവന്നൂര്‍ കേസില്‍ സിപിഎമ്മിനെ വെട്ടിലാക്കി മുതിര്‍ന്ന നേതാവ് ജി സുധാകരന്‍. പാര്‍ട്ടി അന്വേഷണത്തില്‍ പിഴവുണ്ടായെന്ന് അദ്ദേഹം പറഞ്ഞു. കുറ്റക്കാരെ മുളയിലേ നുള്ളിക്കളയണമായിരുന്നുവെന്നും കുറ്റം ചെയ്തതത് ആരൊക്കെയെന്ന് പൊതുസമൂഹത്തോട് പറയാന്‍ പാര്‍ട്ടിക്ക് കഴിഞ്ഞില്ലെന്നും അദ്ദേഹം കുറ്റപ്പെടുത്തി.
തെറ്റ് ചെയ്യുന്നത് ഏത് കൊലക്കൊമ്പനായാലും നടപടിയെടുക്കാന്‍ പാര്‍ട്ടി തയ്യാറാകണം. കരുവന്നൂര്‍ കേസില്‍ കുറ്റക്കാരുടെ സ്വത്ത് കണ്ടുകെട്ടണം. കേസ് അന്വേഷിക്കുന്ന ഇഡിയെ തടയാനാകില്ല അദ്ദേഹം കുറ്റപ്പെടുത്തി.
നേരെത്തേ എല്‍ഡിഎഫ് കണ്‍വിനര്‍ ഇപി ജയരാജനും പാര്‍ട്ടിയെ വെട്ടിലാക്കി ഇത്തരത്തിലൊരു പ്രസ്താവന നടത്തിയിരുന്നു. പാര്‍ട്ടിക്ക് ജാഗ്രത കുറവുണ്ടായി എന്നാണ് അദ്ദേഹം പറഞ്ഞിരുന്നത്.