ബര്‍മിങ്ഹാം: കോമണ്‍വെല്‍ത്ത് ഗെയിംസില്‍ നടത്തത്തില്‍ ഇന്ത്യയുടെ പ്രിയങ്ക ഗോസ്വാമിക്ക് വെള്ളി. 10,000 മീറ്റര്‍ വിഭാഗത്തിലാണ് പ്രിയങ്കയുടെ നേട്ടം. അത്‌ലറ്റിക്‌സില്‍ ഇന്ത്യയുടെ മൂന്നാം മെഡലാണിത്.
ഓസ്‌ട്രേലിയന്‍ താരം ജമീമ മോണ്‍ടാംഗാണ് ഈ വിഭാഗത്തില്‍ സ്വര്‍ണം നേടിയത്. കെനിയയുടെ എമിലി വാമൂസി എന്‍ഗിയക്കാണ് വെങ്കലം. 43.38 മിനിറ്റിലാണ് പ്രിയങ്ക തന്റെ ലക്ഷ്യം പൂര്‍ത്തിയാക്കിയത്. ആദ്യ 4000 മീറ്ററില്‍ പ്രിയങ്കയായിരുന്നു ഏറ്റവും മുന്നില്‍. പിന്നീട് ഓസ്‌ട്രേലിയന്‍ താരം മുന്നിലെത്തുകയായിരുന്നു.