മാവേലിക്കര പുന്നമ്മൂട്ടില്‍ ആറ് വയസുകാരിയെ അച്ഛന്‍ വെട്ടിക്കൊന്ന സംഭവം ആസൂത്രിതമെന്ന് പൊലീസ് റിപ്പോര്‍ട്ട്. പ്രതിയുടെ വീട്ടില്‍ വച്ച് നടത്തിയ തെളിവെടുപ്പില്‍ കൊലക്കുപയോഗിച്ച മഴു കണ്ടെടുത്തു. പൊലീസ് കനത്ത സുരക്ഷ ഒരുക്കിയാണ് ഇയാളെ തെളിവെടുപ്പിനായി വീട്ടിലേക്ക് കൊണ്ടുവന്നത്.
കുട്ടിയോട് മഹേഷിന് വിരോധമുണ്ടായിരുന്നവെന്നും പൊലീസ് വ്യക്തമാക്കി. പൊലീസിന്റെ എഫ് ഐ ആറിലാണ് വിവരങ്ങള്‍ ഉള്ളത്. കൊലപാതകത്തിന് വേണ്ടി പ്രത്യാകം തയ്യാറാക്കിയതാണ് കണ്ടെടുത്ത മഴു. ചോദ്യം ചെയ്യല്‍ തുടരുകയാണെന്ന് പൊലീസ് പറഞ്ഞു.