ഭുവനേശ്വറില്‍ ട്രെയിനില്‍ കോച്ചിനുള്ളിലെ എസി യൂണിറ്റില്‍ നിന്ന് പുക ഉയര്‍ന്നതിനെ തുടര്‍ന്ന് ഒഡീഷയില്‍ ട്രെയിന്‍ നിര്‍ത്തി യാത്രക്കാരെ പുറത്തിറക്കി. സെക്കന്ദരാബാദ് – അഗര്‍ത്തല എക്‌സ്പ്രസ്സിലെ ബി 5 കോച്ചിലാണ് പുക കണ്ടെത്തിയത്.
ഇതേ തുടര്‍ന്ന് ഒഡീഷ്യയിലെ ബ്രഹ്മപൂര്‍ റെയില്‍വേ സ്റ്റേഷനില്‍ ട്രെയിന്‍ നിര്‍ത്തി. പുക നിയന്ത്രണ വിധേയമാണെങ്കിലും കോച്ചില്‍ തുടര്‍ന്ന് യാത്ര ചെയ്യില്ലെന്ന് നിലപാട് ചില യാത്രക്കാര്‍ സ്വീകരിച്ചു. വൈദ്യുത സംബന്ധമായ ചെറിയ തകരാറാണ് പുകക്ക് കാരണം എന്നാണ് റെയില്‍വേയുടെ വിശദീകരണം.