ഉമ്മന്‍ ചാണ്ടിയ്ക്കായി പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയ പള്ളിയില്‍ പ്രത്യേക കല്ലറ ഒരുങ്ങുന്നു. വൈദികരുടെ കല്ലറക്ക് അടുത്തായാണ് പുതിയ കല്ലറ ഒരുക്കുന്നത്.
കരോട്ട് വള്ളകാലില്‍ കുടുംബത്തിന് കുടുംബ കല്ലറയുണ്ടെങ്കിലും മുഖ്യമന്ത്രിയെന്ന നിലയില്‍ പുതുപ്പള്ളിക്കും പള്ളിക്കും വേണ്ടി നല്‍കിയ സംഭാവനകളുടെ ആദര സൂചകമായിട്ടാണ് അദ്ദേഹത്തിന് അന്ത്യവിശ്രമത്തിനായി പ്രത്യേക കല്ലറ പണിയാന്‍ ദേവാലയ അധികൃതര്‍ തീരുമാനിച്ചത്. അദ്ദേഹത്തിന്റെ വിയോഗ വാര്‍ത്തയറിഞ്ഞ് പള്ളിയില്‍ അടയന്തിര കമ്മിറ്റി യോഗം ചേര്‍ന്നാണു തീരുമാനമെടുത്തത്.